Herri Hezitzaileen sareko aholkularia eta proiektuen kudeatzailea izateko lanpostu deialdia.
Lanpostuko eginkizunak:
- Herri hezitzaileen Nafarroako sarea sustatzea: jada sareko kide diren herrien dinamizazio lanak, herri berrien bilaketa eta eragile klabeen saretzea.
- Oinherriren egitasmo pedagogikoa Nafarroan landu eta zabaltzea.
- Oinherriren nazio mailako proiektu estrategikoen garapena (egun, haur eta nerabeen parte hartzea, aisia hezitzailea, kultur hezkuntza komunitarioa eta harrera).
- Langileen lantaldeko koordinazio lanak.
- Dirulaguntzen kudeaketa: eskaerak, justifikazioak…
Beharrezkoa izango da:
- Hezkuntzan, kulturgintzan, herrigintzan, aisia hezitzailean, parte-hartze prozesuetan edota euskalgintzan aritu izana.
- Dinamizazio eta ekintzailetza lanetan eskarmentua.
- Taldean lan egiteko gaitasuna.
- Harreman pertsonaletarako gaitasuna.
- Euskara maila altua izatea: idatzizkoa eta ahozkoa
- Gida baimena eta mugitzeko ibilgailua izatea.
Baloratuko da:
- Nafarra izatea.
- Oinherriko eragileren bateko kide izatea.
- Gizarte zientzien alorreko ikasketak izatea, gutxienez goi mailako lanbide heziketako ikasketak.
- Euskal Herrian Oinherriren printzipioekin bat datozen egitasmo, ekimen edota elkarteen ezagutza.
Eskaintzen den lanaldia:
- Astean 30 orduko lan jarduna
- Astelehenetik ostiralera (ordutegi malgutasunarekin).
- Asteburu gutxi batzuetarako disponibilitatea izatea.
- Kontratuaren iraupena: 2026/27ikasturtea, luzatzeko aukerarekin.
- Lanean hastea: azaroa.
- Soldata gordina hilean 1760,47€ (14 pagarekin) eta dietak aparte.
- Telematikoki lan egiteko aukera edota elkartearen Azpeitiko bulegoan.
Aukeraketa prozedura:
Lanpostu honetan interesa duenak urriaren 14a baino lehen bere curriculuma info@oinherri.eus helbide elektronikora bidali beharko du. Elkarrizketak urriaren 19ko astean izango dira.
Zalantzarik izanez gero, idatzi info@oinherri.eus edo deitu 747 42 49 55 zenbakira.
